[相請不如偶遇... ] 一人獨行 snookball refresh party @ U Blog Top 5 Blogger "一日到黑"

2015 年我有一list 嘢想做想學... 其中一樣就係去玩snookball!  雖然snookball 嚟左香港都已經有一段日子，但係我就總係約來約去都約唔到一大班朋友陪我去玩!

好在我個 friend Gilbert，佢識人多過識字 ! 聽落雖然有一dd 誇張，但佢搞既活動真係好多元化: 唱K、BBQ、Movie Gathering、飲嘢等等...都有!

星期又見到佢出post 搞工廈 snookball refresh party，難得今次時間夾到就即時同佢報左名先! 無諗過付款方法都有好多種， 信用咭、PayPal 或者上網過數都得! 夠曬方便，I like it~

走出東九龍我就立即成為路盲一姐，所以都係選擇跟大家約係地鐡站一齊行上去。原來呢日都唔少人，而且男女比例仲好平均!!! 大家都係7、80後，簡單幾句就開始嘻嘻哈哈傾到好似識左好耐咁!!!

​準備好可以隨時開波啦!!! 開波之前，就梗係影返相先啦! 話曬難得一場嚟到!! 說來失禮! 我的隊友問我平日有沒有睇開波? 我又好老實咁話... 有呀! 就係停留左係碧咸踢曼聯個個年代!!! so sorry!!! 好彩，我地係嚟玩snookball，同曼聯無咩直接關係ge!

玩完一輪snookball，都係休息下先... 揾樣唔洗走來走去既Jenga嚟玩! 點知Jenga 比 snookball 更刺激!!! 明明以為自己順利過關，沾沾自喜叫人幫我影相，點知一影完就....哎呀!!

玩下又食下嘢、食完又再玩... 快樂既時間過得特別快，咁就過左四個鐘!!! 大家都覺得有D 意猶未盡，完左再一齊食埋甜品先返屋企!!!

​之前都有join 過Gilbert 做event organizer 既 Cooking class，大家都好專心咁留意老師示範點樣整嘢食，相對需要同其他人交流的機會會少一d。而今次就會有多d機會去認識一班同平日生活圈子好唔同但又有common interest既朋友，擴闊一下自己既世界同眼光! 講下講下原來大家都係來自不同既專業，聽佢地講下自己返工既趣事，我都覺得自己增值左唔少!!!

後我仲同Gilbert 講下次再有呢D 活動記住預埋我! 話唔定呢班新朋友有一日會成為我生命入面好重要既人! 運氣話嚟就嚟! 希望大家會喜歡我今日既分享! Work Life Balance 好緊要! 放假就唔好再諗住公司d 嘢... 走出去輕鬆下識下新朋友! 成個人即時charge up!!!

Gilbert 仲話下次會帶我去蘭桂芳飲嘢!!!想知道更多我既減肥、扮靚、飲飲食食、吃喝玩樂心得... 可以add 我Facebook Fan Page: Smartttty ; 如果想知Gilbert 嚟緊有咩活動，可以Click 入佢個名了解多d詳情。

Original Link:
[相請不如偶遇... ] 一人獨行 snookball refresh party